Arweinydd Plaid Cymru yn Beirniadu'r Pwyslais ar Isadeiledd Lloegr yng Nghyllideb y DU

Shadowcabinetheadshot5small.jpg 

Mae Arweinydd Plaid Cymru, Leanne Wood o'r Rhondda, wedi ymosod ar y Torïaid am ffocysu cyllideb y DU yn ormodol ar y buddsoddiad yn isadeiledd Lloegr gan anghofio systemau trafnidiaeth y cymoedd.

Dywedodd Ms. Wood, sy'n dibynnu ar reilffordd y cymoedd i deithio o'i chartref ym Mhenygraig i Fae Caerdydd, fod y bwlch yn lledu bob blwyddyn rhwng ansawdd trafnidiaeth gyhoeddus Cymru a Lloegr. Dywedodd Ms. Wood, "Tra bod Canghellor y DU yn cyhoeddi biliynau o bunnau ar gyfer HS2, HS3 a Crossrail, mae trydaneiddio rheilffyrdd y cymoedd yn dal i fod yn freuddwyd gwrach i deithwyr,

"Nid yw ein rhwydwaith teithio yng Nghymru'n addas i'r 21 ganrif. Wrth deithio rhwng Cwm Rhondda a Chaerdydd ar drenau sydd yn aml yn rhedeg yn hwyr neu yn orlawn i'r pwynt nes bod rhaid gadael teithwyr ar ôl ar y platfform, mae'n amlwg ein bod yn cael ein gadael ar ôl gweddill y DU.

"Dyna pam mae arnom angen Llywodraeth Cymru newydd a chryf i ymladd drosom bob cam o'r ffordd i sicrhau ein bod yn derbyn y gwelliannau cwbl angenrheidiol yn ein trafnidiaeth ynghynt, yn hytrach na hwyrach."

Os ydych am gefnogi ymgyrch Leanne, cliciwch yma.


Byddwch y cyntaf i wneud sylw

Edrychwch yn eich e-bost am ddolen i fywiogi eich cyfrif.

Mae hyn yn dechrau gyda chi

Ganddyn nhw mae'r arian, ond gennym ni mae'r bobl. Os yw pawb sy'n ymweld â'r wefan hon yn ymuno â'n symudiad yna does dim na allwn ei gyflawni.